Мордовиясо юты «Седяк, гармония» республикань фестивалесь!
Опубликовано Вайгель - 22.02.2022
Даволковонь 26-це чистэ Республикань культурань кудонь сцена лангсо юты «Седяк, гармония!» республикань фестиваль- пелькстамось. Тедеде сон келейгавтсы форматонзо. Гала- концерттэ икеле эсь ёрокчист невтьсызь республикань буетнестэ сазь шкинемань ломантне, нурька морынень морыцятне. Бути кие а соды нурька морынеть- мереви морамс куш кодамо моро. Седицятне налксесызь сонзэ. Совамо таркасонть кедьчелькев ломантне кармить невтеме эсь кедьсэ теезь декоративно- прикладной шкинемасо топавтозь важодемаст- човалясто викшневкстнэнь, чувто ланга керсевкстнэнь. Тень марто, гармониянь вечкицятнень туртов карми важодеме неень шкань инструментнэнь невтема. Вешемась вейкине- весе участниктнень ды артистнэнь улезт кю-ар кодост. «Седяк, гармония!» музыкань покш кенярксось ушодови РДК-асо даволковонь 26-це чистэ 13.00 чассто.
