Зубу аймаконь Велезем велеса панжезь Культурань кудть
Опубликовано Вайгель - 27.01.2022
21 январьста пуромкшнесь лама инжида: синь ётксост Мордовиянь оцюнясь Артём Здунов, Культурань, национальнай политикань и архивонь тевонь министрась Светлана Баулина. Велень клубть тиезь «Культура» национальнай проектть вельде. Строямазонза харьхцяфоль 59 миллиотт. Етксост 23-сь федеральнай бюджетста. Кафта этажса зданиять тиезь 9 ковста. Эсонза ули зрителень зал, ков тяльги 100 ломань. Улихть башка вастт рисоваманди, декоративно-прикладной творчестванди, ремёсланди и стак тов. Клубть эса эвондась и библиотека, коса улихть книгат мокшень и рузонь кяльса.
Тяда инголе клубсна Велезем велень эряйхнень ашель. Кода аш и малацекс велетнень эса.
