ИЛАНЬ ВАСЬФТЕМАСЬ

Роштувань мельдень омбоце илась — Кльхченгясь, Иисус Христозть кстиндамац. Тя илась, кода и Роштувась, аф полафнесы эсь ковонц и числанц. Сон фалу эряй январть 19-це шистонза.
Эряви азомс, тя илада инголе улендихть Святкатне, мокшекс «содаматне». Од стирьхне пялевеста лисендельхть ульцяв, щакшнельхть меколанкт ор. Синь кайселезь пильгстост валенцяснон и ёрялезь пряснон вельф. Корхнельхть: кона пяли прай валенцясь ,ся ширде сай од церась — стирти сай пингонь мирде.
Тяда башка, Кльхченгянь карша панцелезь Шайтанть, лиякс мярьгомс Сюруть.Тянкса кенкшненди, седял суваматненди пурса путнельхть тяштькс(крескя).
Сире койхнень коряс, Шайтанць, лисемок седялда, шятнель седял сувамати, синнельхце пильгонц и кулсесь.