Саранскяйнь лицеисттне сатсть 3 медальхть международнай пялькстомаса
Опубликовано Вайгель - 21.12.2021
Саранскяйнь лицеень 3 тонафнихне сатсть зрнянь медальхть юниорхнень ёткса естественнонаучнай международнай олимпиадаса. Пялькстомась ётась дистанционнай форматса, и эсонза примасть участия 400 школьникта 59 масторста. Россиянь сборнайть лувксс сувасть Мордовияста Егор Потапов, Даниил Гаврилов и Ярослав Шастин, конат тонафнихть асу иттненди Республикань лицейса.
Олимпиадась ащесь тестовай, теоретическяй и экспериментальнай пяльксста. Эсост шабатне тиендсть заданият физикаса, химияса и биологияса.
Сборнай Россиянь сембе представительхне сатсть зрнянь медальхть.
Читать далее
