Мордовиясо теить «Старый Город – Вещерка» ки
Опубликовано Вайгель - 03.11.2021
Мордовиянь Правительствась полады важодематнень Темниковань буесэ туризмань кластерэнть кепетеманть коряс проектэнть топавтоманзо ланга. Тенде кармавтома макссь республикань прявтось Артём Здунов. Проектэнть потсо, Темниковань буесь сови «Арзамас – Дивеево – Саров» кластерэнь паломничествань-туризмань прявт маршруттнэнь юткс.
Промкссо кортазельть кевкстематне, конат сюлмазть проектэнь васенце эскелькстнэнь коряс мероприятиятнень анокстамонть марто. Арсематнесэ — «Старый Город – Вещерка» кинть ды «Ушаков-центр» музеень теемаст, Темниковань общественной таркатнень паролгавтомась, Феодор Ушаков адмиралонть усадьбанзо вельмевтемазо.
Ледстясынек, эсь шкасто те проектэнть кирдизе Владимир Путин, кона совась кемекстазь социально-экономической кепетеманть коряс лия кармавтоматнень юткс.
Фотографиясь: Мордовия Республикань Пресс-службасто
