Эрзянь «сюкорось» онксты виензэ весероссиянь пелькстамосо

Мордовиянь аграрийтне кучсть ниле яволявтомат «Вкусы России» пелькстамонтень. Сонзэ прявт мелесь — содавтомс регионтнэсэ нолдавиця продукциянть марто лия регионсо эрицятнень, невтемс салаваксчинть ды теемс седе мельстуицякс сеть эрямо таркатнень, косо те весемесь анокстави. Тень туртов Минсельхозось анокстась цела программа. Минек региононть пельде кучозь Паракинань «Пайчалгосо» паневиця тантей сюкорось, Мордовиянь минеральной ведесь, Ичалка ёнксонь сырась ды весемень туртов содавикс эйкакшпингень тантейкась- сгущёнкась. Ожоковонь 27-це чистэ саезь сундерьковонь 7- це чис молемс ютавтови раськень вайгелень максомась. Сонзэ лувсо Россиянь регионтнэсэ эрицятненень мереви максомс эсь вайгеленть мельстуиця продукциянть кис. Пелькстамонь цётамотнень коряс кармить кочказь финалс лисицят кавксо номинациява. Оят, эсь вайгеленк мельстуиця ярсамопеленть кис мереви максомс тыненкак. Тень туртов, эряви совамс «Вкусы России» (https://russiantastes.ru/ ) пелькстамонь официальной сайтс, муемс мельстуиця пелькстыцянть ды максомс эсь вайгеленть.

Фотографиясь: russiantastes.ru