Артём Здунов вастневсь Россиянь юстициянь министранть полавтыцянзо марто

Мордовиянь прявтось Артём Здунов вастневсь Россиянь юстициянь министранть полавтыцянзо — Али Алханов марто. Сынь вейсэ ваннызь Ромодановасо аштиця комплекссэнть, конась маласо шкастонть тевс нолдави, кода-  исправительной куро. Сонзэ юрсо кармить важодеме тюрьмас озавтозетне, конатне  кармавтозь топавтомс исправительной важодемат. Вейспурнавксось аноксави «Ромодановосахар» предприятиянть пеле. Сонзэ прявтось, Александр Атласов пачтясь: «Неень шкантень малав весемесь анок». Истят комплекстнэнь анокстамось кирдеви федеральной куронь башка вановт ало. Мордовиянь прявтось тешкстась: «Тюрьмас пекстазетненень эряви максомс важодемс эстест, улезэ мелест оляв лисемадо мейле кадовомс теске важодеме».