Мордовиянь байдарочницась сатсь бронза Миронь чемпионатса
Опубликовано Вайгель - 20.09.2021
Елена Анюшина Мордовияста сатсь бронза байдаркаса и каноэса миледемать коряс миронь чемпионатса. Пялькстомань мекольце шись ётась датскяй Копенгагенца.
Кода азозь минспортсонк, Елена Анюшина арась колмоцекс 500 метрань дистанцияса. Мордовиянь байдарочницась ульсь фкя командаса Светлана Черниговская, Кира Степанова и Анастасия Панченкоть мархта.
Тряфта же Ардатоваса ёткшиста ётась байдаркаса миледемань коряс пялькстома, кона лемтьф СССР-нь заслуженнай тренерти Я.Я.Костюченкоти.
Тя пялькстомать аноклазе Мордовиянь байдаркаса и каноэса миледемань Федерациясь «На своей волне» президетскяй грантонь фондонь проектть видеса. Пялькстомаса Ардатоваса примасть участия 40 спортсмен.
