Мордовияса ушедсь покодема «Пушкинскяй картась»

1-це сентябрьста Мордовияса, кода и марнек странаса, ушедсь «Пушкинская карта» сембе россиянь программась. Сонь тиеманц коряс мяльть азозе Россиянь оцюнясь Владимир Путин.

Ня шитнень «Тавла» тонафнемань центраса проектсь няфтьфоль тонафнемань и культурань сфераса покодихненди.

Мордовиянь оцюнять тевонзон тиисна Артём Здунов китькстазе: «Пушкинскяй картать» вельде од ломаттне кармайхть рамсема билетт культурань учреждениятненди государствать ярмаконзон лангс. Тя кизоня картать эса кармай 3000 цалковай, а сай кизотнень 5000 цалковайхть кизоти.

Мордовияса эряй 64 тёжятть од ломаньда 18 кизоста сявомок 22 кизос молемс. Теест проектсь и шарфтф.