Рузаевкаса срхкави тиемс «IT-веле»

Мордовиянь Оцюнянь тевонь тиендись Артем Здунов васедсь республикань информатизациянь и связень министрань тевонь тиендить Игорь Вольфсононь, Рузаевка аймаконь вятить Александр Сайгачёвонь и IT- компаниянь няфтихнень мархта. Корхтамать пингста мяль шарфтфоль Рузаевкаса «IT-велеть» тиеманц лангс. Здуновонь койса, тя лезды бизнести лисемс од серетненди.
— Тя пяк мялень салай проект. Республикась анок сонь кирдемс федерациянь эрь кодама программатнень эса прянь няфнемать вельде. Но инь оцю путфкссна тя тевса сякокс улеза синцень предпринимательхнень. Эряви вешемс и пуроптомс ломатть, тиемс покодеманди и эряманди цебярь условият, — китькстазе Артём Здунов.
Игорь Вольфсон поладозе, кой кона оцю IT-компаниятне шарфтсть ни мяль тя проектть лангс. Сонь эряфс сувафтомац кармай цебярь ушетксокс марнек отрасльти.
Нинге тя васедемать пингста корхтафоль сянь колга, ули ли кода Рузаевкаса тиемс экопарк.

Фото: Пресс-служба Главы Республики Мордовия