Артем Здуновонь кармавтоманзо коряс Дубенкань буев явозельть ярмакт даволсо яжазь кудотнень стявтомаст туртов

Ледстясынек, аштемковонь 28-це чистэ виев вармась тапась 96 кудот Дубенкань буень Поводимово, Дубенки ды Ардатово велетнесэ.

Стихиянь бедствиянтень питнень максомадо мейле Артем Здунов максь кармавтома лездамс ломантненень витнемс кудост. Ярмакт кармить явозь Мордовия республикнаь прявтонть резервной фондсто. Даволонть эйстэ кандозь зыянонть коряс эрьва кудосо эрицятнень туртов максыть 30 цел. саезь100 тежат цел-с.

Кода мерсть Мордовия республикань прявтонь пресс-службасо, весемезэ муниципалитетэнень явозель 5 млн. 30 тежат цел.

Истяжо ломантненень, кинь кудозо понгсь даволонть «кедензэ» алов, явить 20 тежат цел. эрьва семиянть туртов Мордовия республикань Социальной защитань, важодемань ды занятостень министерстванть пельде.

Тенде башка, сех тапазь кудотнесэ латотнень вельтямонть туртов материалтнесэ лезды Мордовия республикань Вирень министерствась.