Саранскяйса панжевсь «Наследие» школась

Саранскяйса тячи панжевсь национальнай культурань школа, лемоц «Наследие». Проектть анокласазь финно-угрань народонь Рав кужень центрась, Культурань, национальнай политикань и архивонь тевонь минестерствась. «Наследие» школась шарфтф Мордовиянь нароттнень национальнай культураснон касфтомаснонды.
Тонафнемати сувайхть лекцият и практическяй занятият мокшэрзятнень койснон и обуцяснон колга. Национальнай культурань Школаса кармайхть тонафнема некоммерческяй организациянь вятихнень, творческяй коллектифнень, районнай ДК-нь покодихнень. Занятиятне ётафтовихть очно и заочно дистанционнай технология вельде А.С.Пушкинонь лемса библиотекаса. Марнек аноклаф 32 лекция и практическяй занятия.