Мордовиянь ёроковтнень артовксост появить Россиянь Почтань открыткатнесэ

Прядовсь «Я люблю Саранск!» фотографиянь ды артовксонь пелькстамось. Сон алтазель Мордовиянь прявт ошонтень 380 иетненень. Цётамотнень коряс, ниле изницятнень важодемаст понгить открытка лангс.

Весемезэ, пелькстамос кучозельть 111 артовкс ды фотографият. Изницятнень важодемаст коряс теить почтань маркавтомо карточкат. Сындест нолдыть аволь ламо. Ошонь чистэ лангозост мереви путомс почтань штемпель, конась теезель Саранскоень 380 иетненень. Ды ошонь эрицятненень ды инжетненень максыть истят открыткат питневтеме, ды эстесткак карми меревеме питневетеме кучомс неть открыткатнень ялгаст ды раськест туртов.

Фото: russianpost.ru