Мордовиясо каясызь уштомапелень нолдамонть лангс медьковсто кемекстазь кардамотнень.

Ожоковонь 25-це чистэнть саезь Мордовиясо лоткавтовить АЗС-сэ уштомапелень нолдамонть лангс кемекстазь весе кардамотне. Текень марто, автозаправкань станциятнесэ топавтови экстренной ды коммунальной службатнень, истя жо общественной транспортонть туртов уштомапелень резервась. «Президентэнть бажамонзо, РФ-нь Правительствань решениятнень, истя жо отраслянь важодицятнень профессионализмаст ды ответственностест вельде уштомань рынкасонть тевтне вадрялгадсть. Сюкпря весенень, кить тейсть путовкс те цётавксонть топавтомантень!» — сёрмадсь эсь аккаунтсонзо макссо Артём Здунов. АЗС-сэ уштомапелень миемань нурька шкас лувось лездась киртямс учоматнень ды кемекстамс республикасонть уштомапелень максоманть коряс тевтнень. Покш лезкс те шкастонть явсть доброволецтнэ: сынь ладясть заправкатнесэ ардоманть ды лездасть водительтненень.