Эрзя- мокшонь раськень культурань музейсэ панжови од невтема!

Эрзя-мокшонь раськень культурань музейсэ ожоковонь 9-це чистэ панжови Александр Сидоровонь «Поэзия дерева» чувтосто керсицянть персональной выставказо. Экспозициянтень совасть 40 важодемат, конат теезь тумосто, килейстэ, пекшестэ ды пичестэ. Сынь теезь калгодо чувтосто корнепластикань техникасо, истя жо чувтосто керсемань техникасо. Чачсь мастерэсь Пенза ёнксонь Лопатина велесэ, тоско прядызе школанзо. Мейле кармась тонавтнеме инженерно-строительной институтсо. Чувтонть марто важодемась лездась Александр Сидоровнень муемс эсь скульптуратнень туртов мельстуиця образт. Чувтосто керсеманть авторось топавты 20 ламо иеть. Александр Сидоров а нолды тевс тюст, вансты чувтонть алкуксонь мазычинзэ. Эсензэ прявт мелень кепедицякс сон лови Степан Эрьзя ине скульпторонть.