Витневить культурань учреждениятне!

Культурань федеральной Министерствась ёвтынзе Весероссиянь пелькстамонь цётамотнень, конат макссть питне регионтнэсэ библиотекатнень ды культурань кудотнень важодемантень. Пелькстыцятне невтизь эсест просветительской, социальной эрявикс ды инклюзивной проекттнэнь, истя жо проекттнэнь, конат аравтозь этнической ды культурной башка ёнкстнэнь ванстомантень ды виевгавтомантень, неень шкань технологиятнень ды инновациятнень тевс нолдамонтень. Эксперттнэнь покш питне максозь А. С. Пушкин лемсэ библиотекантень,Орданьбуень эйкакшонь центральной библиотекантень, Саранскоень культурань дворецэнтень, Ковылкинской райононь культурань Куншкакуронтень, Рузаевской райононь Мордовско-Пишлинской клубонтень ды Краснослободской райононь Гумны велень культурань кудонтень. Казнекс государствась яви изницятненень целевой субсидият, конатнень вельде мереви витемс инфраструктуранть ды культурань учреждениятнень оснащениянть.