Мордовиясо витневить ловнома кудотне!

Россиянь культурань министерствась ёвтынзе пелькстамонь кочкамонь цётамотнень ды яволявтызе ловнома кудотнень списканть, конатненень сы иестэ максовить субсидият «Семья» нацпроектэнть коряс. Пелькстамонь изницятнень ютксо-Мордовиянь муниципальной вете библиотекат. Сынст одкстомтомас, кода пачти региононь профилень министерствась, федеральной бюджетстэ явовить 53,5 миллионт целковойть.

Краснослободскоень центральной библиотекась модельной проектэнть коряс одкстомтоманть вельде тееви «Библиосадокс».

Торбеевань райононь библиотекась карми» Просветэкс » — просвещениянь ды содамочинь куншкакурокс.

Рузаевской райононь централизованной библиотечной системань 6 № филиалось тееви «Кудораськень ловномань Маякокс», лезды эйкакштнэнь ды тетятнень-аватнень вейсэнь ловномантень.

Дубёнка буень Кочкурова велень библиотекась одкстомтови «Переплетение времени» проектэнть коряс, косо лия ёнов а молиця койтне инновациянь технологиятнень, покштятнень-бабатнень превейчинть ды перспективатнень марто вейсэ гайгезевить од вийсэ.

Чамзинской районсо Комсомольской эйкакшонь-од ломанень библиотекась одкстомтови модельной «БиТонокс». Секс мекс посёлканть эрямозо кеместэ сюлмавозь ошонь теиця промышленной кавто предприятиятнень тевдеемаст марто, библиотекань концепциясь истя жо нежеди производствань тематиканть муниципалитетэнь культуранть, образованиянть ды историянть марто интеграциянть лангс.