«Мордовия Аренаса» кармай налхкома Россиянь чемпионць

Тя недляшить, 16-це майста, «Мордовия Аренаса» ётай футболть коряс россиянь чемпионатть мекольце налхкомац. Стадионца васедихть «Тамбов» и «Зенит» командатне.
Санкт-Петербургонь налхкись аф кунара сатсь ни зрнянь медаль и тяни сай Саранскяи кода Россиянь чемпион. Васенцеда Мордовиять пряошсонза ётай футболса налхкома командать-чемпионть мархта.
Тяда инголе «Тамбов-ть» директороц мярьгсь, што ЦСКА-ть, «Локомотив-ть», «Зенит-ть» мархта налхкоматне «Мордовия Аренаса» ётайхть ваны мархта. Ётай матчне ётнесть шава трибуна мархта, мезсь пяк кальдяволь «Тамбов-ти» ярмак ширде. Налхкомась «Зенит-ть» мархта кармай тя недляшить 14 частса.