«Велень озкс» раськень фольклоронь покшчинть тешкстасызь Мордовиясо.
Опубликовано Вайгель - 17.07.2026
«Велень озкс» раськень фольклоронь покшчинть тешкстасызь Мордовиясо медьковонь 25-це чистэ. Сонзэ ютавтома таркакс карми Покш Игнатова велесь. Анокстыцятне арсесть сюпав программа, конась лезды алкукс чопавтемс региононь культурантень ды койтненень-кирдатненень.
Площадкасонть карми раськень художественной промыслатнень ды декоративно‑прикладной творчествань теевкстнэнь выставка‑ярмунка. Панжсызь кенкшест раськень кудынетне, косо мереви теевемс содавиксэкс районсонть эриця раськетнень эрямо лувост ды коест-кирдаст марто. Теде башка, арсеви ютавтомс раськень налксемань, театрализованной ды фольклорно-обрядовой невтемат, эрьва кодат мастер-класст.
Башка мель явови историянь ледстнематнень ванстомантень: таркасонть невтьсызь «СВОи герои»музеень‑выставкань проектэнть.
Спортонь площадкасонть весенень мереви налксемс велень раськень налксематнесэ, истя жо пелькстамс «Тюштянь налксемат» эрзянь ды мокшонь раськень бороцямонь ды финнэнь-угрань пелькстамотнесэ.
Прядови покшчись раськень ярсамопельсэ каванямосо.
