Мордовиянь Роспотребнадзорось ваннынзе экшелямо таркатнень.

Мордовиянь Роспотребнадзорось ваннынзе экшелямо таркатнень.  Ведомствань даннойтнень коряс, Саранскойсэ экшелямс маштови ансяк «Пиже Роща» сёлтось, лиятнесэ ведесь а лади микробиологической невтевкстнэнь коряс эрявикс вешематненень. Рузаевской районсо зыянтомо мереви чопавтемс «Сузгарьевский» ведьсэнть, Большеберезниковскойсэ – «Гусиное» эрькесэнть, Ковылкинскойсэ — Мокша лейсэнть. А мереви экшелямс: Кочкурбуесэ «Карнай» сёлтсонть, Сабаево велесэ Сура лейсэнть, теке жо велесэнть «Песчанный берег» экшэлямо таркасонть, истя жо Лямбирка леенть лангсо «Алтын Яр» сёлтсонть ды Краснослободской буень Ташто Авгуры велесэ сёлтсонть. Тешкстави, весе ёвтазь эрькетнень рекреационной таркатнень човаронть вадрячизэ лади вешематненень, «Старт» стадиононть ды «Гусиное» эрькенть вакссо ведтенть башка. Тесэ кемекстазь микробиологической невтевкстнэнь коряс авейкетьксчись.