Наталья Гурьева- масторлангонь чемпионка!

Наталья Гурьева кармась рукопашной тюремань коряс масторлангонь чемпионкакс. Пелькстамотне ютасть Бишкексэ. Саранскоень спортсменкась  пелькстась 16-17 иесэ 53 килограмс сталмонь категориясо. Турнирэнть лувсо сон ютавтсь кавто бороцямот, кавонест прядовсть сонзэ изнямосо. Васенце тюремасонть сон изнизе ютазь иень масторлангонь чемпионканть ды Россиянь неень шкань чемпионканть Валерия Головачевань. Бороцямось прядовсь 7:3 счётонть марто.Финалонь тюремасонть Наталья Гурьева изнизе Казахстанонь представительницанть 12:2 счетонть марто.