Мордовиясь касты-кепети экологиянь маршруттнэнь.

«Экологическое благополучие» национальной проектэсь топавтови Мордовиясо 2025 иестэ саезь. Лия мероприятиятнеде башка сонзэ вельде арсеви виевгавтомс инфраструктуранть экологиянь туризманть туртов. Те лезды витемс меленть пертьпельксэнь мазычитнень, а канды сонензэ зыян.

Национальной парктне теевить экологиянь питнейчитнень чарькодемань таркакс. Тесэ путешественниктне вийсэст тонавтнемс чуросто вастневиця касовксонь видтнэнь, ванномс ды снимсемс идем ракшатнень пертьпелькссэ, ванкшномс пертьпельксэнь ландшафттнэнь.

Экологиянь вадря маршрут кочкави эко. путешествуем.рф. сайтсэнть. Минек региононть невти П. Г.Смидович лемсэ заповедникесь. Сон ашти Мордовиянь ды Нижегородской областень границясо. Тесэ мереви ютамс «Знакомьтесь: Мордовский заповедник» янганть ды неемс эрзянь-мокшонь модань пертьпельксэнть мазычинзэ ды сюпавчинзэ. Яннэванть теезь ацавкст, сэдьнеть, истя жо кулянь стендт, конатнесэ улить заповедникень флорась ды фаунась.

Улить кавто кить ютамс. Нурька кись ливти лецямонь касовкс марто келей кужинес. Те ванномань круговой площадка, конасонть улить стендт, конатнесэ невтевить ломаненть туртов лезэв эрьва кодат тикшеть ды сынст домка сёрмадовксост. Пешксе маршрутось юты тусто вирьганть ды аволь покш сёлтонь трокс сэденть ланга.