Мордовиянь Прявтось ютавтсь важодемань вастовома.

Мордовиянь Прявтось Артём Здунов ютавтсь вастовома «Теплопанель» предприятиянь руководстванть марто. Вастовомасонть кортасть кевкстематнеде, конат сюлмавозь производствань виевгавтоманть ды инвестициянь проекттнэнь топавтоманть марто. Предприятиясь нолды профлист ды сэндвич-панельть ды Равчирень федеральной округсо те ёнксонть коряс прявт производительтнестэ вейкесь. Нолдавиця продукциясь тевс нолдави раськень хозяйствань эрьва кодат отраслятнесэ, истя жо агропромышленной комплекссэнть, энергетикань, химической промышленностень объекттнэсэ, пачтяви минек масторонь эрьва кодат регионтнэс. Компаниянть арсематнесэ — производствань келейгавтомась ды продукциянь од видтнэнь нолдамось. Кортамось моли сервисэнь металлоцентранть теемадо ды металлокаркасонь ды сэндвич-панельтнень юрсо куроксто стявтовиця блоконь-модулень зданиятнень производствань панжомадо. Од проекттнэс инвестициятнень вейсэнь покшолмась — 120 млн. седе ламо целковойть, теевить 50 важодемань од таркат.