ЛИССЬ ОД КНИГА ЭРЗЯНЬ КЕЛЬСЭ!

А.С. Пушкин лемсэ Национальной библиотекань раськень ды краеведениянь литературань отделсэ ютась Светлана Фадейкинань «Байгинеть» книгань презентациясь. Тей совасть эйкакштнень туртов 108 валморот, морот ды ёвкст. Сынь тонавтыть парос, токить седей, пейдевтить. Книганть нолдызе Мордовиянь книгань издательствась региононь цифровой виевгавтомань ды массовой коммуникациянь министерствань лезксэнзэ вельде. Артовкстнэнь теинзе Татьяна Панова. Эряви тешкстамс, те — Светлана Фадейкинань сисемеце книгазо.