Мордовиянь Прявтось Артём Здунов ютавтсь важодемань вастовома Эрзя-мокшонь раськень регионъютконь общественной организациянь председателенть Юрий Мишанин марто.

Мордовиянь Прявтось Артём Здунов ютавтсь важодемань вастовома Эрзя-мокшонь раськень регионъютконь общественной организациянь председателенть Юрий Мишанин марто. Кортавсть эрзянь-мокшонь культурань ванстомань ды сюпалгавтомань кевкстематне.
2026 иенть Россиянь Президентэсь яволявтызе Россиянь раськетнень вейсэндявомань иекс. Этнокультурной сюпавчинь ванстомась ды Россиянь нациянь вейсэндявомань кемекстамось – государственной политикань прявт тев. Тень веши РФ-нь государственной раськень политикань од стратегияськак, конань кемекстызе минек Президентэсь. Республикань Прявтось тешкстызе: эйдень кужотнесэ ды школатнесэ эрзянь ды мокшонь кельтнень тонавтомасо эряви седе эрязасто нолдамс тевс мультимедийной технологиятнень. Электронной валкстнэнь, энциклопедиятнень, презентациятнень, интерактивной пособиятнень тевс нолдамось кепеди эйкакштнень мелест ды касты материалонь саемань лезэвчинть.
Тедеде Саранскойсэ ютавтови Тиринь кельтнень весероссиянь форумось — республикась карми минек масторонь келень сюпавчинь  ванстоманть коряс лия ёнов а молиця опытэнь максоманть туртов площадкакс.
Вастовомасонть истя жо кортасть раськень изданиятнень виевгавтомань кевкстематнеде — те истя жо пек эрявикс ёнкс, кода тешкстызе Мордовиянь Прявтось. Республикасонть 14 СМИ-ть, косо ладязь раськень кельтнесэ печатесь ды вещаниясь, сынст финансированиясь а киртяви. Эрьва иестэ республикасонок нолдави эрзянь ды мокшонь кельсэ тонавтомань ды художественной литература, кирдевить од автортнэ.
Юрий Мишанин ёвтась сюкпря Мордовиянь Прявтонтень эрзянь-мокшонь культурань кастомань-кепетемань кевкстематненень свалшкань мелень явоманть, Эрзянь-мокшонь раськень регионъютконь общественной вейсэндявксонтень лездамонть ды сонзэ важодемасо улеманть кисэ.