«СУРЕ ВЕЛЬДЕ ВИКШНЕЗЬ КОЙТНЕ»
Опубликовано Вайгель - 20.01.2026
Якшамковонь 21-це чистэ 15 чассто Эрзянь-мокшонь раськень культурань музейсэ юты «Суре вельде викшнезь койтне» Надежда Володинань персональной невтемань панжомась. Надежда Ильинична-эрзянь раськень оршамопелень теемань ды викшнемань коряс кедьчелькев ломань. Выставкасонть кармить невтезь мастерэнть творческой роботатне, конат панжить авторонть вановтонзо эрзятнень ды мокшотнень аутентичной орнаментэнть лангс. Надежда Ильиничнань кедьсэ теезь эрьва викшневксэсь-те аволь ансяк мазылгавтозь пелькс, истя жо домкасто чарькодевиця тешкс, конасонть ули ванстыця вий. Эсь важодевкстнэсэ мастерэсь маштозь сюлми койтненень-кирдатненень кемевиксчинть шкинемань башка лувонть марто, лезды кезэрень мотивтненень налксемс од ёнкссо. Невтемась карми важодеме даволковонь 20-це чис.
