МОРДОВИЯСО ПАНЖОВИ АРТИСТЭНЬ КУДО

Визуальной искусствань куншкакуросо ютась Артистэнь кудонь организационной комитетэнь васенце промкс. Од учреждениясь карми Мордовия республикань театрань важодицятнень Вейсэндявксонь отделениякс ды карми кемекстамо духовно-нравственной питнейчитнень, ванстомо региононь театрань койтнень, карми важодеме ёроков эйкакштнэнь ды од ломантнень марто, тевс нолдамо масторонь содавикс театратнень опытэст. Театрань важодицятне ваннызь сы шкань площадкань концепциянть, путовкстнэнь, тешкстызь тевдеемань прявт ёнкстнэнь ды кортасть Артистэнь Кудонть панжомадонзо. Панжоманть арсеви ютавтомс тедедень ацамковсто. Сы иесь кемевти улемс сюпавокс театрань отраслянть туртов. Истя, Россиянь театрань важодицянь Вейсэндявксось тешкстасы 150 иетнень, а Мордовиянь региононь куронтень-90 иеть. Неть кенярксчитне кармить редявикс тевекс, вейсэндить театратнень ды искусствань деятельтнень масторонь келес, истя жо республикань прявтошонть — Саранск ошонть.