ВИТНЕЗЬ БЕЛОЗЕРЬЯНЬ ШКОЛАСЬ

Ромодановань буень Белозерье велесэ витнизь школанть. Сон стявтозель 1978-це иестэ. Зданиясь аволь покш ды овсе аволь умок тонавтнемань ветявсь кавто сменасо. Мелят тесэ строясть од корпус. Тедеде нацпроектэнть вельде витнизь-петнизь таштонть. Ней тосо начальной школась. Строицятне лембелгавтызь ды мазылгавтызь зданиянть ушо ёндо, полавтызь весе вальматнень, витнизь киякстнэнь, стенатнень ды потолоктнень. Одкстомтызь инженерэнь коммуникациятнень ды электроснабжениянь системанть. Одкстомтозь класстнэс путсть од мебель ды технической средстват, конат эрявить неень шкань тонавтнеманть туртов. Тонавтницятнень туртов важоди покш библиотека, ули школань музей.