САРАНСКОЙСЭ ПАНЖОВИ ОД АРТЫЦЯТНЕНЬ НЕВТЕМА

Таштамковонь 5-це чистэ 15 чассто С. Эрьзя лемсэ изобразительной искусствань музейсэ панжови «Равось од. Минь-Россия» невтемась. Теварсевксэсь топавтови культурань ушодкстнэнь Президентэнь фондонть лезксэнзэ вельде. Автортнэ  невтить живописень, графикань, скульптурань, декоративно-прикладной ды цифровой искусствань малав 600 важодемат. Выставкомось кочкась 222 авторонь 386 произведеният колмо площадкатнесэ экспозициятнес. Неть- С.Эрьзя лемсэ музеень Выставочной залось, С. Эрьзя лемсэ музеень прявт зданиясь, Эрзя- мокшонь раськень культурань музеесь. Мордовиянть пельде невтемантень анокстазь 29 авторонь 40 важодемат. Выставкань прявт тевесь-коень ды неень шкань художественной практикатнень вельде невтемс Россиянь культурань кодонть. Выставкасонть примить участия Самарань, Саратовань, Нижней Новгородонь, Пензань, Ульяновскоень, Кировонь, Оренбургонь областтне, Пермской краесь, Мордовия Республикась, Чувашия Республикась, Марий Эл Республикась, Удмуртонь Республикась, Татарстан Республикась, Башкортостан республикась.