РУЗАЕВКАСО ЮТЫ «КУРГОНЯ» ФЕСТИВАЛЕСЬ!

Умарьковонь 30-це чистэ Рузаевкань Тёжа иень топодемань куросонть  юты «Кургоня – 2025» эрзянь-мокшонь инжень вастомань Регионъютконь XI-це фестивалесь. Те чись вейсэндясынзе буень весе эрицятнень. Сынь ускить фестивалев эрьва- кодат ярсамопельть. Нама, прявт ярсамопелесь фестивальсэнть – «Кургоня» покштояк покш панжакаесь. Варчамс сонзэ мереви весенень. Ютазь иестэ покшчинтень анокстазель сехте покш панжакаесь. Сон ульнесь 3 метрадо седе келей, 260 килограмт сталмосо. Покшчинь историясонть зярс те сехте покш паневксэсь. Теде башка, кенярксов программасонть мастер-класст, налксемат ды пелькстамот, покшчинь концерт ды ламо мезе лия. «Кургоня» фестиваленть прявт тевесь – Мордовия Республикань раськетнень вейсэндямось, эрзянь ды мокшонь культуранть,  койтнень-кирдатнень невтемась.