РЕСПУБЛИКАНЬ ПРЯВТОСЬ МАКССЬ КАРМАВТОМА АВАТНЕНЕНЬ БАШКА ОЙМСЕМА ЧИНЬ МАКСОМАДО

Мордовиянь Прявтось, «Семья» ёнксонть коряс Госсоветэнь Комиссиянь председателесь Артём Здунов тешкстась кармавтома, конасонть Мордовия Республикань государственной властень органтнэнь, местной самоуправлениянь органтнэнь руководительтненень локальной нормативной акттнэнь (коллективной договортнэнь) вельде эряви ладямс оймсемань вейке чинь явоманть, ярмаконь кирдеманть (зарплатанть) ванстозь, ковкерьксэнь ковстонть тейтерь-аватненень, кинь улить 14 иеде седе вишкинеть эйкакшост, истя жо цёратненень, кить ськамост кастыть 14 иеде седе вишкине эйкакш (эйкакшт).

Пандовиця оймсема чинть, конась лемдеви Авань чикс, ёвтазельь мель максомс важодицятнень евтазь категориянтень эрьва ковсто, сеть ковтнеде башка, зярдо важодицятне отпусксот. Ушодксось аравтозь Мордовия Республикасо духовно-нравственной питнейчитнень ванстомантень, семиянь, авань, тетянь ды эйкакшпорань институттнэнь кемекстамонтень.

Эряви тешкстамс, неть читнестэ Мордовиясо уш лиссь подзаконной актоськак, конань вельде эрявикс полавтоматне аравтозь Мордовия Республикань Прявтонь ды Мордовия Республикань Правительствань Администрациянь Служебной распорядкасонть. Документсэнть тешкстазь важодицятненень Авань чинь максомань домка ёнкстнэ — пандовиця башка оймсема чись максови сёрмадозь яволявтоманть коряс, ковозонзо апак ютавто оймсема чись лия ковс а кандови, апак сае чинть кисэ компенсация а пандови.

Од совавтовкстнэнь ютксо, конат тешкстыть Республикань Кудонть семейноцентричностенть, – важодицятнень ды сыцятнень туртов эйкакшонь нупалень теемась, истяжо кудораськень тематикань артовксонь галереянь теемась, конатнень сёрмадызь кода профессиональной артыцятне, истя эйкакшонь художественной школань тонавтницятне.