«Вайгелень» корреспондентнэ казезельть шнамонь конёвсо

Течи А. С. Пушкинэнь лемсэ национальной ловнома кудосо ютась «Мордовские языки в диалоге культур» круглой столесь. Сон алтазель эрзянь ды мокшонь кельтнень Весероссиянь чинтень. Промкссонть мольсь кортамо кельтнень ванстомаст ды кепетемаст ланга; стакачитнеде, конатнень марто савкшнови вастовомс мокшонь ды эрзянь кельсэ кортыця ломантненень.

«Вайгель» радиопрограммань корреспондентнэ Оксана Белкина ды Ольга Шабанова казезельть Мордовия Республикань Культурань, национальной политикань ды архивень тевень министрань тевтнень топавтыцянь шнамонь конёвсо.