Саранскяйса панжевсь «Творчество рождает радость» лем ала выставка

Степан Эрьзянь лемса музейть выставочнай залсонза панжевсь «Творчество рождает радость» лем ала мяленьсалай выставка. Сон лемтьф Народнай творчествань республиканскяй кудть 80 кизонцты.

Экспозицияти пуроптф 300-та лама работа, конатнень аноклазь-тиезь республикань райоттнень эзда и Саранск ошста 130 самодеятельнай мастерсь, а стане жа Степан Эрьзянь лемса музейть фондонзон эзда котф лангс содаф сёрмадыхнень А. М. Масловать и О. Д. Шереметовать работасна. Тяса няфтьфт национальнай панархт, шуфтста керсеф налхкшт-месть, валенцят, теньгушевскяй семицветкась и стак тов. Лиякс азомс сембось ся, мезьс а ули кода шнафтомс пря Мордовиянь маштыкядь ломаттненди.

Выставкать панжема и тяса няфтьф козяшить ванома сашендсть Российскяй Федерациянь сенаторсь Пётр Тултаев, МР-нь культурань, национальнай политикань и архивнай тевонь министрть васенце заместителец Александр Губанищев, Мокшэрзянь народть Межрегиональнай общественнай организациянц председателец Юрий Мишанин и лият.

Выставкать ули кода ваномс 23-це мартти молемс тяфтама адрест коряс: Саранск ошсь, Советскяй курось, 29-це кудсь.