«Семья» од нацпректэнть лувсо Мордовиясо поладови важодемась сыре ломантнень марто

Ледстясынек, тедеде «Демография» нацпроектэнь «Старшее поколение» федеральной проектэсь совась «Семья» од проектэнтень. Сонзэ лувсо поладови социальной учреждениянь витнемась ды теемась, ды истяжо сыре ломантнень мельга якамось-ваномась.

Проектэнть топавтоманзо перть ютавтозь покш робота: теезельть сыре ломантнень ды лавшо шумбрачи марто ломантнень туртов кудонь-интернатонь од зданият ды эрямонть туртов корпуст.

Федеральной бюджетстэ ярмактнень лангс рамазельть автотранспортонь 32 единицат, конатнесэ велесэ эриця сыре ломантнень усксить больницява.

Покш мель путови колазь шумбрачи марто ды сыре ломантнень мельга якамонтень. Сыненст явови соцпакет, ков совить 50-де ламо эрьва кодат соцуслугат. Истяжо тей совить чить улеманть туртов отделеният населениянь соцзащитань коряс государствань учреждениятнень пингсэ. Истяттнэде 17. Эйсэст топавтовить эрьва кодат программат, ютавтовить сыре ломантнень марто занятият.

Теде башка, Мордовиясо теезть реабилитациянь технической средствань шкас максомань 23 таркат ды роботыть родственной уходонь 17 школат.