Саранскойсэ ютыть спидвеень коряс пелькстамот

Саран ошонь «Старт» стадионсо якшамковонь 11-це- 12-це читнестэ ютыть спидвеень коряс весероссиянь пелькстамот. Эсь виест ды ёрокчист невтьсызь 16 иестэ саезь  21 иес спортсментнэ Саранскойстэ,  Тольяттистэ, Уфасто ды лия оштнэстэ. Саранскоенть кис кармить пелькстамо Владислав Захаров, Роман Барабошкин, Егор Парамонов, Руслан Смирнов ды Дмитрий Велькин.  Спидвейс билеттнэ микшневить сайтсэ ды «Старт» стадиононь кассатнесэ. Ушодксось 12 чассто. Сисем иес эйкакштнэ нолдавить пелькстамотнень ванномо питневтеме тетяст- аваст марто.