Саранскоень школьниктне пурнасть 63 тоннадо ламо конёв
Опубликовано Вайгель - 15.10.2024
Тевесь топавтозель «БумБатл» макулатурань пурнамонь коряс акциянть лувсо, конась ютавтовсь «Экология» нацпроектэнть кирдеманзо кувалт. Акциянтень вейсэндясть Саранскоень 22 школат. 63 тоннат конёв сынь пурнасть колмо тарготнень перть.
Образованиянь учреждениятне, конат вейсэндясть акциянтень, теить паро тев республикань экологиянть туртов: ванстыть эйсэнзэ ды а максыть рудазкадомс.
Сехте ламо конёв пурнасть 39-це школась (9 тоннадо ламо), 24-цесь (7 тоннат), «Высота» образованиянь куншкакурось (5 тоннадо ламо) ды 43-це лицеесь (4 тоннадо ламо конёв).
Эряви меремс «БумБатлась» карми молеме сундерьковонь 15-це чинть самс. Кинь ули мелезэ невтемс прянть эйсэнзэ, сененень эряви проектэнь сайтсэ кадомс яволявкс. Тень коряс мейле карми кочказь изниця командной эли ськамонь-ськамонь зачётсо.
