Спецоперациянь ветерантнэ кармасть «Zа наших. Zа Президента» невтемань откерекс

Мордовиясто войнань специальной операциянь ветерантнэнь фотографияст марто невтемась панжовсь таштамковонь 30-це чистэ общественной лездамонь региононь штабсо.

Сонзэ пурныцякс-теицякс кармась «Волонтеры Победы» молемась «Защитники Отечества» фондонть лезксэнзэ вельде. Невтемань панжоманть сюлмизь ДНР-ть, ЛНР-ть, Запорожьянь ды Херсононь ёнкстнэнь Россиянтень вейсэндявомань чинть марто.

Фотопроектэнтень совасть Мордовиясто СВО-нь 8 откерть. Сынст ютксо – фронтонь медикть, офицерт, рядовойть. Весе сеть, кить эсь вийсэ тейсть путовкс Изнямонтень. Фотографиядо башка, стендэсь теи весенень содавиксэкс фронтовиктнень марто: тосо максозь сынст лемест, иест, позывноест, боевой кизэ, казнензэ.

Истяжо тосо ёвтневи ветерантнэнь малавиксэст ланга, конат ульнесть Ине Войнасо.

Невтемань вейке откерекс кармась «Защитники Отечества» фондонь филиалонь социальной координаторось, СВО-нь ветеранось Иван Волков.

«Эрьвась фронтовиктнень ютксо – откерь. Эрьванть мельга ашти башка ёвтнема, – мерсь сон. – Минек тевенек – ёвтнемс сонзэ минек эйкакштнэнень. Истятт проекттнэ лездыть ванстомс историянть. Сынь эрявить минек государствантень ды ломантненень».

Невтемась а карми аштеме ве таркасо. Сонзэ несызь республикань весе буетнесэ.

Фотографиясь: «Защитники Отечества» фондонь