«Шумбрат» фестивалесь васенцеде ютась Челябасо

Таштамковонь 21-це чистэ «Шумбрат» раськень культурань фестиваленть келейстэ тешкстызь Челяба ёнксонь Троицк ошсо. Эряви меремс, кенярксось региононть туртов овсе  од. Ансяк васенцеде ютамонть лангс апак вано, фестивалесь вечкевсь тосонь эрицятненень ды сонзэ инжетненень, конатнень туртов анокстазель культурань сюпав программа.

Сынст икеле морасть Челябань Троицкой, Варненской ды Чесменской буетнестэ коллективтне. Кенярдовтызь эсь шкинемасост Мордовияньгак артисттнэ.

Истяжо кенярксонь инжетнень туртов роботасть эйкакштнэнь туртов интерактивной площадкат, декоративно-прикладной искусствань невтемат,  раськень ярсамопелень варчамонь площадка.

Мероприятиянть пурнызе-теизе «Иненармунь» эрзя-мокшонь национальной куншкакурось. Лездыцякс кармасть Культурнань инициативань Президентэнь фондось, Челяба ёнксонь правительствась, Трицкоень администрациясь ды Эрзя-мокшонь раськень регионъютконь общественной вейсэндявксось.

Фотось: «Иненармунь» эрзя-мокшонь национальной куншкакурось