Александр Катышев Мордовиясто кармась изницякс ВМХ-спортонь коряс Россиянь пелькстамосо

Россиянь Кубкань 9-це эскельксэсь ютась Москов ошсо Марьинский велодромсо.

Велоспортонь коряс Олимпийской резервень спортонь школань трявксось Александр Катышев невтсь сехте вадря цётамо хроногонкасо ды ВМХ-суперкроссо. Сиянть ды бронзанть саизь Никита Ермаков ды Егор Тоянов москвичтне.

Мордовиянь тейтертнень ютксо сехте вадря цётамо невтсь Светлана Адмакина. Сон кармась колмоцекс. Васенцекс ды омбоцекс састь москвичкатне Ярослава Бондаренко ды Александра Симашкина.

Пелькстамонь меельце, 10-це эскельксэсь, юты Саранскойсэ ожоковсто.

Фотографиясь: Россиясо Велосипедэнь спортонь вейсэндявксонь (Федерация велосипедного спорта России)