Мордовиянь Прявтось ютавтсь регионсо коррупция марто бороцямонть коряс комиссиянь промкс

Вастовомась ютась Республикань Кудосо. Тосо кортазельть коррупция марто сюлмазь коламотнень кувалт кевкстематне.

Сень ланга, мезе эряви содамс седе домкасто коррупциядонть ды кода а манявомс поставщикень (эрьва кодамо товаронь пачтиця) марто важодемстэ ёвтнесь Мордовия Республикасо Закупкань пурнамонь-теемань куншкакуронь прявтось Екатерина Сотова.

Истя, ютазь иенть перть центрась ютавтсь 4,6 тежат закупка ланга цётамо. Весемезэ поставщиктнень пельде яволявкстнэде ульнесь малав 10 тежат. Закупкатнеде 60%-де ламо ловозельть апак топавтозекс.

Тешкстазель, централизациянть лезксэнзэ вельде ютазь иенть перть контрактнэнь коряс васень питнетнень алкиньгавтомаст коряс республикань бюджетсэ ды башка бюджетэнь финансированиясо ванстозель 1 млрд-то ламо целковойть ярмак.

Екатерина Сотова тешкстызе, учреждениясо малав весе должностне сюлмазть коррупциянь рисктнень марто, секскак ютавтовить антикоррупциянь эрьва мерат.

Истяжо вастовомасонть кортамось мольсь антикоррупционной направлениянть кувалма Вирень хозяйствань министерстванть важодемасо.

Фотографиясь: Мордовиянь Прявтонть пресс-службань