Мордовиянь «Технопарксо» ютась «Инвестируй в Мордовию» лем ало конференциясь

Тосо вастневсть инвестортнэ ды предпринимательтне, конатне ваннызь Мордовиянь  инвестиционной кемечинть. Истяжо сынь теевсть содавиксэкс минек региононь инновационной инфраструктуранть марто.

Инвестиционной сессиянть важодемасо невтизь пряст Мордовия Республикань Правительствань прявтонть васенце полавтыцязо Наталья Таркаева, Мордовиясо Экономикань, микшнемань ды предпринимательствань министрась Иван Горин, Лямбирь буень прявтось Юрий Голов.

Иван Горин евтнесь республикань уличинть-потенциалонть ланга. Вастовомасонть тешкстазель: «Минек ёнксонть – географиянь пек паро тарказо». Тесэ ули чугункань ки, аэропорт ды ламо сядот вайгельбень кувалмосо кить.  Кортамось мольсь экономической башка таркатнедеяк. Тов совавтовить – Лямбиресь, Саран ошось ды сонзэ малава таркатне ды Рузаевкась.

Фотографиясь саезь e-mordovia сайтстэ