Эрзя-мокшонь культурась невтезель раськеютконь фестивальсэ Башкортостансо
Опубликовано Вайгель - 05.09.2024
Башкортостансо неть читнень ютась «Купец 2.0» раськеютконь IV фестивалесь, конась мольсь колмо чить. Пурныцятнень-теицятнень валост коряс фествиалентень сакшность 70 тежадо ламо инжеть.
Коенть коряс, сон ютась Стерлитамак ошонь куншкакуросо, косо 20-це пингеденть икеле ютакшность купецень покш наймант. Нейгак, койтнень вельмевтемаст кувалма, ёроковтне, пидицятне, паницятне, кедьчелькев ломантне невтизь ломантненень эсь ёрокчист.
Раськень кенярксонтень, конась ютась «Калейдоскоп культур» лозунгонть ало, сакшность инжеть аволь ансяк Башкортостансто, истяжо шабра регионтнестэ ды мик туристт Казахстансто ды Беларусьстэ.
Фестивалень покш тевекс кармась Стерлитамаконь сехте келей курованть эрьва кодамо раськень ломантнень, конат эрить Башкортостансо, покш молемась. Колоннантень совасть национальной оршамопельсэ 1250 ломанть.
Башкиртнэнь, татартнэнь, удмуртнэнь, рузтнэнь, чуваштнэнь ютксто явовсть эрзямокшонь мазыйкатне этникань викшневкс марто эрзянь оршамосо.
Ледстясынек, Башкириянь Бижбулякской буесэ колмоце ие важоди «Олячи» этно-студиясь, конась роботы эрзямокшонь культуранть вельмевтеманзо, ванстоманзо ды сравтоманзо лангсо.
