Владимир Путин ютавтсь кортамо Россиянь эрицятнень марто

Ютась Владимир Путин Президентэнть марто пресс-конференция. Журналистнэ Екатерина Березовская ды Павел Зарубин макссть кевкстемат: «Мезесь ашти васенце таркасо , кодатт кевкстемат талновтыть Президентэнть?»
«Истямо масторонтень кодамо минек Россиясь – васняяк эряви улемс кемекс, васенце таркасо сонзэ суверенитетэсь, конаньстеме а цидярдомс. Секскак эряви пурнамс вийть и экономикасо, и политикасо, и технологиясо, и масторонь ванстома тевсэнть»
Владимир Путин туртов максозель кевкстема Рав леенть ланга. Татариянь журналистнэ талнозь кевстнесть сенде, кодамо седе тов Россиянь сехте покш леенть уцясказо, меельце шкасто сон алкалгады, кармить ли идеме Равонть? «Нама, — мерсь Президентэсь, — Истямо ине леенть, кодамо Равось, кияк а кадсы ёмамо»
Мордовиянь журналистэсь Анастасия Видяева евтась сюкпря Россиянь Президентэнть туртов Россия форумонть панжоманзо кисэ ды тердизе сонзэ Мордовиянь павильононть ваномо. Истя жо башка журналистэсь тешкстызе, кода регионсо кармасть парсте молеме тевтне эрьва кодамо производствасо, саемга теевить эрьва кодатт кедьенкст ды мазыльмат минек лейтнестэ таргазь тумосто (рузокс морёный дуб). » Мордовиясь- пек мазый регион. Монень пек вечкеви кода тосо ванстовить койтне-кирдатне, кода ванстовить оршамотне, — яволявтсь Владимир Путин. Истя жо Россиянь Президентэсь алтась ваномс ВДНХ -со Мордовиянь павильононть