Владимир Путин казезень мордовиянь эряйхнень
Опубликовано Вайгель - 19.06.2025
Российскяй Федерациянь Президентть Мярьгоманц коряс Виндреень территориальнай лесничествань Быстрищенскяй участкань лесничайти Фёдор Николаевич Исаевонди лац покодеманкса максф «Российскяй Федерациянь Заслуженнай лесовод» почётнай лемсь . Тяфтама казне максовсь и Виктор Николаевич Сусаревонди. Вирьхнень мельге сон ваны 40 киза. Васенда покодсь Краснослободскяень лесхозса, а тяни Пурдошкань участкаса.
Строительстваса лац покодеманкса «Российскяй Федерациянь заслуженнай строитель» почётнай лемсь максф «Управляющая компания строительно-монтажного производства» ООО-нь плотникти Сергей Юрьевич Слугинонди.