Софья Яськина изнясь ПФО-нь Чемпионатсо!

Неть читнестэ Оренбургсо ютавтовсь цёратнень ды аватнень ютксо вольной бороцямонь коряс Равчирень федеральной округонь Чемпионатось. Турнирсэнть пелькстасть округонь 9 регионтнэстэ 145 сехте виев спортсмент. Конкуренциясь ульнесь виев-эрьвась бороцясь аволь ансяк медальтнень кисэ, истя жо Россиянь Чемпионатонтень путевканть кисэ. Мельспаро, те пелькстамосонть ульнесь минек од спортсменкась — Софья Яськина. 62 килограмс сталмосонть минек спортсменкась сайсь сия! Ней спортсменкась невтьсынзе виензэ Россиянь Чемпионатсонть, конась ютавтови Московсо панжиковсто.