Панжови «Степан Эрьзя- скульптор мира» невтемась!

Эйзюрковонь 31 — це чистэ Санкт-Петербургонь Рузонь музейсэ панжови «Степан Эрьзя-скульптор мира» невтемась. Экспозициясь алтазь Степан Эрьзя скульпторонть чачома чистэнзэ 150 иетнень топодемантень. Эйзэнзэ совить Рузонь музеень коллекциянь произведениятне, истя жо Третьяковской галереянь ды Саранскоень С. Эрьзя лемсэ изобразительной искусствань музеень пурнавкстнэнь важодематне. Экспонаттнэнь ютксо — «Иоанн Креститель», «Испанка», «Автопортрет» ды ламо лия важодемат.