Мордовиясто делегациясь ардтнесь Татарстанов Мокшэрзянь культурань чив

Опубликовано - 16.03.2023

РФ-со Педагогонь ды наставникень иестэнть эйзюрковонь 15-це чистэнть Татарстанонь Тетюш буень Киртели велесэ ютась мокшонь ды эрзянь кельтнень тонавтыцятнень ды воскресной школатнень ветицятнень ютксо тонавтомань семинарось. Сон алтазель тиринь кельтненень ды культурантень.

 

Семинарсо невтизь пряст Татарстанонь Образованиянь министерствасто, Казанень Раськень ояксчинь кудосто важодицятне, Татарстанонь колмо буестэ мокшонь ды эрзянь кельтнень тонавтыцятне ды воскресной школань ветицятне, Мордовиясто делегациясь.

Мероприятиянь программась ульнесь пек сюпав. Семинаронь пленарной заседаниясо кортамось мольсь тиринь кельтнень ванстомаст ланга, кода тень коряс молить тевтне Татарстансо, кодат проектт топавтовить.

«Ули мелем тешкстамс, Татарстансо эрзятне ды мокшотне эрясть свал.
Ломанень меельце сермадстоманть коряс тесэ эрить 12 тежадо ламо эрзят ды мокшот. Кельтне тонавтовить колмо школасо.
Минь ютавтнетяно ламо мероприятият од ломань марто. Ули мелемс евтамс сыненст — вечкеде тиринь келенть. Тень марто вейсэ евтан покш сюкпря тонавтыцятненень, конатне домкасто важодить кельтнень ванстомаст кувалма», — мерсь Татарстансо мокшэрзянь автономиянь прявтось Наталья Сабитова.

Седе тов мероприятиянь инжетненень невтизь «Бытовая культура мордвы» школань музеенть, ютавтсть някань теемга, эрьбань мазылгавтомга ды мокшонь келень уроконь ветямга мастер-класст.


Теде мейле тонавтыцятне евтнесть эсь урокост ланга, кунсолызь лиятнень.
Прядовсь Мокшэрзянь культурань чись прянь невтицятнень каземасо ды «Язык есть исповедь народа, его душа и быт родной…» литературань-музыкань концертсэ.

«Пек вадря, зярдо эйкакштне аволь ансяк кортыть, истяжо морыть, евтнить валморот эрьва кодамо кельсэ: рузонь, мокшонь, эрзянь, татаронь. Те монень пек вечкевсь. Миненек весенень эряви ламо важодемс минек кельтнень ванстомга», — мерсь Мокшонь ды эрзянь раськетнень Регионъютконь общественной вейсэндявксонь прявтось Юрий Мишанин.


Вайгель эфир по будням: с 7.00 до 7.30 – на эрзянском языке, с 7.30 до 8.00 – на мокшанском языке

Current track

Title

Artist