МОРДОВИЯСО КОЧКАСЫЗЬ ИЕНЬ СЕХТЕ ПАРО КНИГАНТЬ!
Опубликовано Вайгель - 18.02.2026
А.С. Пушкинэнь раськень ловнома кудосо региононь культурань министерстванть лезксэнзэ вельде юты «Лучшая книга года» республикань IV-це пелькстамось. Эйсэнзэ карми максовомо питне сеть книгатненень, конат нолдазельть 2024-2025 иетнестэ ды конат пачтязельть МР-нь Книгань палатас.
Пелькстамось ушодовсь даволковонь 16-це чистэ. Эксперттнэ ванкшныть сеть изданиятнень, конат пачтязельть МР-нь Книгань палатав эйзюрковонь 31-це чиденть аволь седе мейле. Конференциянь материалтнэ, учебниктне ды учебной пособиятне, одс нолдазь книгатне пелькстамонтень а нолдавить.
Коень коряс, пелькстамосонть улить зярыя тематической, жанровой номинацият: художественной литература, поэзия ды проза рузонь ды раськень кельтнесэ, краеведениянь ды научной изданият, эйкакштнень ды од ломантнень туртов книгат, истя жо ванкшнови полиграфической оформлениянь качествась.
Цётамотнень ёвтамсто эксперттнэнь ванновтост марто вейсэ анокстыцятне алтыть истя жо саемс мельс ловныцятнень мелест. Ловныцянь вайгелень максомась юты чадыковонь 15-це чистэ саезь панжиковонь 18-це чис.
Изницятнень лемест ёвтасызь аштемковонь 15-це чиденть аволь седе мейле.
Вам также может понравиться
Читать далее
