«ИрАэро» авиакомпаниясь тиезе васенце рейсонц Санкт-Петербург-Саранск-Санкт-Петербург маршрутть коряс

1-це февральста сявомок Саранскяйнь аэропортса панжевсь субсидированнай од маршрут – Санкт-Петербург-Саранск-Санкт-Петербург. Рейсне молихть кафксть недляти: понедельникста и шуваланяста (четвергста).
Кельме ширдень пряошти и меки Мордовиянь эряйхнень пачфтсыне «ИрАэро» авиакомпаниясь Superjet-100 самолётса. Пингта фкя ширьс лиеманди ётай 1 час 40 минутат. Од рейсти билеттнень питнесна – 2815 цалковай.