Мордовиясо ютась «Нелегал- 2026» оперативно- профилактической мероприятиясь.

Мордовиясо «Нелегал-2026» оперативно-профилактической операциянь ютавтомань васенце читнестэ редязь ды кардазь миграциянь коряс административной 50 ламо правань коламот. Мордовиясо полициянь важодицятне правоохранительной блоксо коллегатнень марто вейсэ ютавтыть «Нелегал-2026» оперативно-профилактической комплексной операциянь омбоце этап. Мероприятиянть лувсо ванновить эрямонь секторонь объекттнэ ды омбо масторонь эрицятнень важодема таркатне, стройкатне, куроксто андомань объекттнэ, рынкатне, ламо ломанень эрямонь адрестнэ, студентэнь общежитиятне ды автотранспортось, истя жо республикань территориянть пачк молиця транзитэсь. Операциянь васенце читнестэ редязь ды кардазь миграциянь коряс административной 57 правань коламот. Омбо масторонь 16 эрицятнень коряс ливтезь мельть-арсемат Россиянь Федерацияс а нолдамодо. 2 омбо масторонь ломанть панезь Россиясто, 9 кемекстазь кармавтома  Россиянь Федерациясто панемадо. Аволь закононь коряс миграциянть кардамонь коряс мероприятиятне поладовить.